Sýn með úrslitaleiki Evrópudeildanna í 4K

Sýn með úrslitaleiki Evrópudeildanna í 4K

Sjónvarpsstöðin Sýn mun sýna úrslitaleiki Meistaradeildarinnar og Evrópudeildarinnar í 4K eða UHD háskerpu. Þetta er í fyrsta sinn á Íslandi sem að sýnt er frá íþróttaviðburðum í slíkum myndgæðum. Leikirnir verða sýndir á nýrri rás, Stöð 2 Sport UHD, sem verður aðgengileg á IPTV myndlyklum á rás 20 á leikdögum.

Á IPTV kerfi Vodafone þurfa viðskiptavinir að hafa Samsung UHD/4K myndlykil og sjónvarp sem styður UHD/4K útsendingu.

Báðir leikirnir verða í opinni dagskrá. Chelsea og Arsenal mætast í úrslitaleik Evrópudeildar UEFA þann miðvikudaginn 29. maí en Tottenham og Liverpool eigast við í úrslitaleik Meistaradeildar Evrópu í Madríd 1. júní.

Þessar tilraunaútsendingar verða í boði um gagnvirk sjónvarpskerfi fjarskiptafélaga (IPTV) en ekki um loftnet eða sjónvarpsöpp. Stöð 2 Sport mun að sjálfsögðu einnig sýna leikina í hefðbundnum myndupplausnum (SD og HD) sem henta öllum dreifikerfum.

Gagnleg atriði sem gott er að hafa í huga: 

* Þar sem að UHD/4K merkið er mun stærra en hefðbundnar sjónvarpsútsendingar (SD/HD) eða 16-20 Mbit/s, krefst það mun meiri bandbreiddar á heimatengingum. 

* Til að tryggt sé að ná fullum gæðum er öruggast að vera með ljósleiðaratengingu.

* Ekki er tryggt að 4K merkið náist með ADSL/VDSL eða ljósnetstengingu.

* Æskilegast er að tenging milli myndlykils og sjónvarps sé með hágæða HDMI kapli. Margir eldri og/eða ódýrari gerðir af HDMI köplum bera ekki þetta myndmerki.

* Á IPTV kerfi Vodafone þurfa viðskiptavinir að hafa Samsung UHD /4K myndlykil og þar verður Stöð 2 Sport UHD aðgengileg á rásarnúmeri 20 óháð því hvort þú sért með allar græjur til að ná 4K útsendingu eða ekki. Myndlykillinn skalar UHD merkið niður í þá upplausn sem sjónvarpstækið styður. Hægt er að nálgast Samsung myndlykla í verslunum Vodafone og hjá umboðsmönnum um land allt.

Samsung í djúpum útaf sund-auglýsingu

Samsung í djúpum útaf sund-auglýsingu

Ráð dagsins I Tvísmelltu til að virkja Apple Pay

Ráð dagsins I Tvísmelltu til að virkja Apple Pay